محمد زيان غارق ف سابع نوم فالزنزانة ديالو ف الحبس ديال لعرجات… ناااعس مبتسم و كيحلم حلم جميل ..حلم جميل جدا..الحلم الذي يعبر على داكشي لي مدفون فالنفسية العميقة ديالو (استقبل فخامة رئيس الجمهورية الجزائرية السيد الهواري بومدين الجنرال de brigade des mœurs محمد زيان رئيس المملكة الزيانية المتحدة الذي وشحه بوسام الجمهورية الجزائرية من درجة “خائن”. وبعد محادثات على انفراد أقام الرئيس بومدين حفل عشاء بفندق شيراطون على شرف ضيف الجمهورية القصير الذي كان مرفوقا بالمحرمة عليه السيدة وهيبة خورشيش و كاتبه الخاص السيد زكريا نصيصيبا وقائد الحرس الزياني محمد حاجب والناهقة الرسمية باسم الديوان الزياني السيدة دنيا الفلالي)..شوية صونا التليفون ديال زيان …زيان فاق من النعاس كااااعي شكون هاد الويل لي حرمو ما يكمل الحلم شكون هاد المنحوس لي فيقو من النعاس؟ ألو شكون ..شكون معايا؟ جاوباتو وهيبة (صباح الخير حبيبي سمح لي فيقتك و خلعتك ضروري نهضر معاك مشينا فيها).
زيان : صباح النور حبيبتي مالك ياك لاباس؟
وهيبة : شوف رآهم عاقو بينا عاقو بينا دابا القضية فيها الخيانة كتسمعني القضية ثابتة بالخيانة.
زيان: ضحكتيني يا لخوينزة الله يعطيك ذهب طاطا..وعلاش أنا هنا ماشي على الخيانة؟ أنا راجل ونص وكنفتاخر أنني نعست معاك وما يدخل للحبس غير لي كان راجل ونعس مع وهيبة. كيف تيقولو المصريين “نعس مع وهيبة وسير للتخشيبة” خخخخخخخ.
وهيبة : يا الويل كون جات غير فالخيانة الزوجية كون لاباس علينا..را ولينا ف الخيانة العظمى يا الشارف جمع راسك.
زيان : خخخخخ هذا تكييف جديد داروه لينا ..حيت نتي مرا طويلة و مدكوكة تبارك الله وانا غير قصيور وعظم داكشي علاش دارو التكييف ديال الخيانة العظمى و رآهم ماكدبوش وهذا شرف ليا أحبيبتي خخخخخخ.
وهيبة : ولا ياالويل.. الخيانة العظمى يعني عاقو بينا و بعلاقتنا مع المخابرات ديال الجزائر مشينا فيها..
زيان : أويلي أويلي عاقو؟ كيفاش عاقو؟ أنا يالله كنت مع بومدين ونتي كتقولي لي عاقو؟
وهيبة: و فيق من النعاس يا الويل قلت ليك عاقو بينا والدنيا مقلوبة علينا فهمتي.
زيان : ماشي مشكل احبيبتي أنا لقيت الحل قولي راجلك كان عاطيك 2 تنازلات واحد على الخيانة الصغرى يعني الفساد والثاني على الخيانة الكبرى يعني التخابر مع الجزائر..فهمتي أحبيبتي؟
وهيبة : ياك يا لغدار بغيتي تمسح فيا كولشي.. أنا غادي ندير الحل لراسي و دابا تشوف يا الويل.
زيان: ههههههه منين حصلتي مع المخابرات ديال الجزائر شوفي ليك مع المخابرات ديال اليمن احسن ليك.
وهيبة: اليمن؟ علاش قولتي اليمن أنا عارفاك حمق ولكن فيك حشيان لهضرة.
زيان: اليمن فين سمحتي فيها ف ولادك و خليتهوم تما. كولشي عايق بيك.نتي الخيانة عندك فالدم. خونتي إدارتك وراجلك و خونتيني أنا وولادك…دابا خليني نعس نكمل الحلم ديالي. أنا محبوس محبوس ولي عطاه الله عطاه أنا يحكمو عليا بجميع أنواع الخيانات جات معايا. شوفو نتوما لي المستقبل كولو ديالكوم…المستقبل فلحباسات إن شاء الله خخخخخخخخ
وهيبة : ok يا الشارف ok أنا غادي نعرف شنو ندير الله يغبر ليك الشقف.
وهيبة قطعات على زيان و تاصلات بصحابها لي حرايفية ف الخيانة العظمى باش ينصحوها..لكن حتى واحد ما جاوبها..كولهوم بدلو sonneries ديال تلفونات ديالهوم زكريا المومني داير أغنية ” عيشي يا بلادي عيشي”حاجب داير اغنية “صوت الحسن ينادي” و الكوبل الفلالي داير “العيون عينيا والساقية الحمرانية”… وهيبة فهمات أن القضية وصلاتهوم للعظم…( يتبع).
